Вечерня 1-я стража
1- Господи, в покаянии прими мя.
2- Господи, не остави мене.
3- Господи, не введи мене в напасть.
Повечерие 2-я стража
4- Господи, даждь ми мысль благу.
5- Господи, даждь ми слезы, и память смертную и умиление.
6- Господи, даждь ми помысл исповедания грехов моих.
Полунощница 3-я стража
7- Господи, даждь ми смирение, целомудрие и послушание.
8- Господи, даждь ми терпение, великодушие и кротость.
9- Господи, всели мя в корень благих, страх Твой в сердце мое.
Утреня 4-я стража
10- Господи, сподоби мя любити Тя от всея души моея и помышления, и творити во всем волю Твою.
11- Господи, покрый мя от человек некоторых, и бесов, и страстей, и от всякия иныя неподобныя вещи.
12- Господи, веси, яко твориши, яко волиши, да будет воля Твоя и во мне грешнем: яко благословен еси во веки, аминь.
1-й час 1-я стража
1- Господи, не лиши мене небесных Твоих благ.
2- Господи, избави мя вечных мук.
3- Господи, умом ли или помышлением, словом или делом согреших, прости мя.
3-й час 2-я стража
4- Господи, избави мя всякаго неведения, и забвения, и малодушия, и окамененнаго нечувствия.
5- Господи, избави мя от всякаго искушения.
6- Господи, просвети мое сердце, еже помрачи лукавое похотение.
6-й час 3-я стража
7- Господи, аз яко человек согреших, Ты же яко Бог щедр, помилуй мя, видя немощь душы моея.
8- Господи, посли благодать Твою в помощь мне, да прославлю имя Твое святое.
9- Господи Иисусе Христе, напиши мя раба Твоего в книзе животней, и даруй ми конец благий.
9-й час 4-я стража
10- Господи Боже мой, и ничтоже благо сотворих пред Твобою, но даждь ми, по благодати Твоей, положити начало благое.
11- Господи, укропи в сердце моем росу благодати Твоея.
12- Господи небесе и земли, помяни мя грешнаго раба Твоего, студнаго и нечистаго, во царствии Твоем, аминь.