Азбучные Молитвы — читать всем Славянам!


еп. Константина Болгарского X век


Аз сло́вом сим молю́ся Богу:

Бо́же, всея́ твари́ Зижди́телю,

Ви́димым и неви́димым,

Го́спода Ду́ха посли́ Живу́щаго,

Да вдохне́т в сердце́ ми сло́во,

Еже бу́дет на успе́х всем,

Живу́щим в за́поведех Ти.

Ѕело́ бо есть свети́льник жи́зни

Зако́н Твой, свет стезя́м,

Иже и́щет ева́нгельска сло́ва

І про́сит да́ры Твоя́ прия́ти.

Ко креще́нию обрати́шася вси́,

Лю́дие Твои́ нарещи́ся хотя́ще,

Ми́лости Твоя́, Бо́же, про́сят зело́.

Но мне ны́не простра́нно сло́во даждь,

О́тче, Сы́не и Пресвяты́й Ду́ше,

Прося́щему по́мощи от Тебе́.

Ру́ци бо свои́ выспрь возде́ю при́сно,

Си́лу прия́ти и му́дрость у Тебе́.

Ты бо дае́ши досто́йным си́лу, ипоста́сь же вся́кую цели́ши.

Упова́ние всех конце́в земли́.

Фарао́на мя зло́бы изба́ви,

Херуви́мску ми мысль и ум даждь.

Ѡ, Честна́я Пресвята́я Тро́ице, печа́ль мою́ на ра́дость переложи́.

Целому́дренно да начну́ писа́ти

Чудеса́ Твои́ преди́вные зело́,

Шестокрыла́тых си́лу восприиму́.

Ще́ствую ны́не по сле́ду учи́телю, и́мени его́ и де́лу после́дуя,

Ѣ́вным сотворю́ ева́нгельское сло́во, хвалу́ воздая́ Тро́ице в Божестве́,

Ю́же пое́т вся́кий во́зраст, юн и стар свои́м ра́зумом,

Ѧзы́к нов, хвалу́ воздая́ при́сно Отцу́, Сы́ну и Пресвято́му Ду́ху,

Ему́ же честь и держа́ва и сла́ва

от всея́ тва́ри и дыхания

от вся ве́ки и наве́ки. Аминь


Молитва из рукописи 17 век.


Аз есмь свет ми́ру

Бог есть пре́жде всех век

Ве́даю всю та́йну в челове́це и мысль

Глаго́лю лю́дем зако́н Мой

Добро́ есть творя́щим во́лю Мою́

Есть гнев мой на гре́шникы

Живо́т дах всей тва́ри

Ѕло есть законопресту́пником

Ни на чем Зе́млю Мою́ утверди́х

Престо́л Мой, И́же на небесе́х

І шед на а́дова врата́ сокруши́х и ве́рея желе́зная сломи́х

Ка́ко лю́дие беззако́ннии не сотвори́сте во́ли Моеа́

Лю́дие Мои́ непоко́рные

Мы́слете на Мя зла́а

Наш еси́ Бог и засту́пник

Оны́ Моя́ призову́ язы́ки и ти́и Мя просла́вят

Поко́й дах всей тва́ри Свое́й

Рече́те Ми сло́во не творя́щие во́ли Моея́, и не услы́шу вас

Сло́вом Мои́м вся́ утверди́шася

Тверда́ рука́ Твоя́, Влады́ко

Фарао́на потопи́х в Чермно́м мо́ри

Херуви́ми слу́жат мне со стра́хом

Ѿве́рзу рай христиа́ном

Ци не дах вам пи́ща в пусты́ни

Червь и огнь угото́вах на гре́шникы

Шу́мом и попали́т дубра́вы

Щито́м вооружи́хся на брань Го́ры взыгра́шася явле́нием Мои́м

Ыорда́нь освяти́ся креще́нием Мои́м

Е́ресь погуби́х

Ю́гом ве́тром разве́ю всю́ вселе́нную

Ю́же Мя проро́ци пропове́доша и апосто́ли е́же о Мне научи́ша.

Подписаться
Уведомить о
guest
2 комментариев
Старые
Новые Популярные
Межтекстовые Отзывы
Посмотреть все комментарии