Святаго Никона от послания к Енклистию — цитата из Номоканона при большом потребнике, в защиту непоминающих отцов.

Веждь убо отче мой, яко божественая писания, с божествеными канонами определяют, яко неправедно налагаемая запрещения, у Бога не связуют, аще я и архиерей положит. кольми паче аще меншии. яко же глаголет святыи Дионисии. Иже убо неразсудным изречением, и невоздержным сердцем от верных кого отлучи, сего не токмо не коснуся, но и на главу его возвращается, яко же и святии соборы провещавают, не сия запрещения связуют, яже по божественым правилом и законом наложишася, а не по своей воли. безсловесне бо казнь налагаяи, сам отлучается, и сам сию казнь должен есть соблюдати, яко же божественнии и святии правила усмотряют.

Такожде Великии Петр к Клименту. ты убо свяжеши яже достоит связати, и разрешиши яже достоит разрешити.

Глаголет бо и святыи патриарх Николай Богом произведеныи. Имут бо архиерее в-сть запрещати и решити, яко же и святыи собор определи, яко закон вязати и решити от Бога приемшии. Аще убо архиерей чрез (без) волю Божию кому запретит, Бог ему не последует, и се обретается запрещение его неправедное, и сего ради некрепкое.

И о священьстве рече Господь Петру. яже свяжеши на земли, будут связана на небесех. виждь силу глагола. Не рече яже свяжеши на земли, будут связана на земли, но на небесех, да отлучаяи, или налагаяи, или возбраняяи, вещь быти страшную мнит, аки Бога, ко общему с собою изречению призываяи. сиречь, под свидетельством сущаго на небесех сие творя. и низлагаемыи боится, аки вне царства небеснаго изгоняется. Виждь рече, еже твориши о иерею яже доле связуеши. сия мни яко горе написуются. Несть от издания словесе свободен соуз, аще неправедно свяжеши, на суде ангелом указати имаши. аще не гневом, или смущеным сердцем соуз нанесл еси, аще не себе отмщая. Бог бо неправедно связаннаго возбраняет и отмщает.

Отлучая же кого от церкве, прежде нежели вина явится по правилом, разрешается от большаго архиерея, сам же отлучится. да еже неправедно сотвори, праведно претерпит.

Подписаться
Уведомить о
guest
1 Комментарий
Старые
Новые Популярные
Межтекстовые Отзывы
Посмотреть все комментарии
1
0
Оставьте комментарий! Напишите, что думаете по поводу статьи.x